Kooxo hubeysan oo weeraro ku laayay Dad badan oo rayid ah

Ugu yaraan 20 askari iyo in ka badan 40 qof oo rayid ah ayaa lagu soo waramayaa in lagu dilay weeraro ka dhacay gobolka Borno, ee waqooyi bari dalka Nigeria.

Dadka deegaanka ayaa waxay sheegeen in koox mintid ah oo ku qalabaysnaa hub culus ay yimaadeen Monguno, oo saldhig u ah hay’adaha Qramada Midoobay ee gargaarka islamarkana ay jiireen oo ay ka awood badiyeen ciidamada dowladda ee goobta ku sugnaa.

Weeraradan oo ka kala dhacay Monguno iyo Nganzai, ayaa ku soo beegmaya maalmo uun ka dib markii koox mintid ah ay 81 qof ku dileeen weerar ay ku qaadeen magaalada Gubio.

Dhammaan sadexda weerar ayaa waxaa masuuliyadooda dusha u ritay koox isku magacaawday dowladda Islaamka ee galbeedka Afrika, Magaalada Nganzai dagaalyahanada ay ku yimaadeen mootooyiin iyo gawaari waxayna halkaasi ku dileen in ka badan 40 qof.

Comments
Loading...