Kooxo ku hubeysnaa Bastoolado ayaa Caawa Degmada Howlwadaag ee Gobolka Banaadir waxaa ay ku dileen Nin la sheegay in uu Oday ahaa.
Dilkan ayaa waxaa uu ka dhacay Xaafad a tirsan Degmadaas,isla markaana Rag hubeysan ayaa dhowr rasaas qeybaha sare ee Jirka ugu dhuftay Odeyga,isagoona goobta ku geeriyooday.
Warar aan helnay ayaa waxaa ay sheegayaan in Marxuumka la dilay lagu magacaabi jiray Allaha u naxariistee Maxamed Gaab,kaasi oo kamid ahaa dadka deegaanka Degmada Howlwadaag.
Ciidamo ka tirsan kuwa Booliska Soomaaliya ayaa tegay goobta uu falka ka dhacay,iyagoo halkaasi hada ka wada baaritaano la xiriira dilka.
Kooxihii ka dambeeyay dilkii loo geystay Maxamed Gaab ayaa u suura gashay in deg deg ah goobta ay uga baxsadaan.
Magaalada Muqdisho ayaa xiliyada habeenkii ah mararka qaar waxaa ka dhaca dilal qorsheysan oo ay geystaan ragga ku hubeysan Bastooladaha.
