Goobjoogayaal ayaa sheegay inuu Bakhaar lagu kaydiyey Gantaallo saakayto ku qarxay Caasimada dalka Yemen ee Sanca.
Qaraxaas waxa uu sababay inay qaraxyo waa weyn ka dhacaan Xero Ciiddan oo u dhow Jaamacadda Sanca, iyadoo ay daaqadaha ka burbureen guryihii ka ag dhow halka uu Qaruxu ka dhacay.
Lama soo sheegin dhimasho iyo dhaawac ka dhashay Qaraxaasi.
Dhinaca kale, Isbahaysiga Milliteri ee ay Sacuudiga hoggaamiyaan waxay beeniyeen inay wax weerar ah ka geysteen magaalladda Sanca, sida uu baahiyey Telefishinka Dowladda Sacuudiga ee Al-arabia.
Waa markii Labaad ee uu qarax ka dhaco magaalladda Sanca labadii bilood ee la soo dhaafay, iyadoo Qarixii hore ka dhacay Xaafadad Al-Jiraaf oo u dhow Garoonka Diyaaradaha ee Sanca.
