Hogaamiyaasha Soomaalida Kenya oo la faray in 14-maalin ay ku soo afjaraan Alshabaab

Madaxweynaha Kenya Uhuru Kenyaatta ayaa kulan la qaatay hogaamiyaasha Soomaalida ee Kenya ugu magacaaban gobolka Waqooyi Bari ee dalka Kenya oo uu kala hadlay arrimo kala duwan oo ay ka mid yihiin la dagalanka Alshabaab.

Kulanka dhexmaray madaxweynaha Kenya Uhuru Kenyatta iyo hogaamiyaasha Soomaaliya ayaa intiisa badan looga hadlay weerarada Alshabaab ay ka geystaan gudaha dalka Kenya iyo gobolka Soomaalida.

Madaxweynaha Kenya Uhuru Kenyatta oo warbixin laga siiyay xaaladda goboladaas ayaa muddo 14 maalmood ah u qabtay Hoggaamiyayasha Soomaalida Kenya si ay u soo gaba-gabeeyaan Al-shabaabka ka dagaallama Gobolka Soomaalida.

Isaga oo ka halayay dagaalamayaasha hubeysan ee weerarada ka geysta gudaha dalka Kenya ayuu sheegay in aysan aheyn dhalinyaro Soomaali ah oo kasoo talaabay xudduuda labada dal hase’ahatee ay yihiin dhalinyaro Kenyaan ah oo Alshabaab ay ka qorteen gudaha dalka Kenya.

Hogaamiyaasha Soomaalida Kenya ee uu la kulmay madaxweynaha Kenya Uhuuru Kenyaatta ayaa kala ah Guddoomiyaha Gaarisa Cali Bunow Qorane, Guddoomiyaha Mandheera Cali Roobow, Guddoomiyaha Wajeer Maxamed Cabdi Maxamuud, Aadan Barre Ducaale hoggaamiyaha aqlabiyadda Baarlamaanka Kenya, Aadan Kenyaan iyo Xildhibaananda kale.

Alshabaab ayaa kordhiyay weerarada ay ka geysanayaan gudaha dalka Kenya waxaana Guddiga Maamula Macalimiinta Kenya ee TSC ay sheegeen in tan iyo 2014kii Gobolka lagu dilay 42 Macalin taasina aysan ahayn wax la qaadan karo.

Comments
Loading...