Hay’adda Baddaha Calaamiga ee IMB ee uu fadhigeeda dhexe ku yaallo Caasimadda dalka Britain ee London ayaa soo saartay Warbixin ku aadan inay hoos u dhaceen falalkii lagu afduuban jirey Maraakiibta isaga kala gooshta Baddaha Somalia.
Hay’adda ayaa sheegtay in heerkii ugu hooseysay gaartay falalka Burcad badddeeda ee Xeebta Somalia, iyadoo la soo weriyey hal shil oo lagu qafaashay Markab lixdii bilood ee ugu horreysay sannadkan.
Warbixinta ayaa lagu sheegay in sababaha hoos u dhigay Falalka Burcad baddeeda inay tahay Maraakiibta Dagaalka ee Dowladaha Caalamka ee ilaaladda ka haya Xeebaha Somalia.
Dhinaca kale, Hay’adda IMB waxay xustay inay Burcad baddeeda Soomaalida weli gacanta ku hayaan 29 Badmaax iyo Mrakabkii ay la socdeen, waxayna Burcad Badddeeda codsadeen Lacago madax-furasho si ay u sii daayeen Badmaaxiinta ay haystaan.
©Radio Dalsan
