Wareegto kasoo baxday Xafiiska Madaxweynaha Maamulka Puntland Dr. Cabdiweli Maxamed Cali Gaas ayaa waxaa xilkii looga qaaday Guddoomiyihii Degmada Gaalkacyo ee Puntland.
Guddoomiyaha Degmada Gaalkacyo ee Puntland ayaa waxaa si ku meel gaar ah loogu magacaabay Yaasiin Cabdisamed Cumar,kaasi oo bedelaya Gudoomiyihii hore ee Degmada Maxmuud Yaasiin Tumeey.
Dhinaca kale Gudoomiyihii hore ee Degmada Gaalkacyo Maxmuud Yaasiin Tumeey ayaa waxa uu soo dhaweeyay xilka qaadista lagu sameeyay.
War qoraal ah oo kusoo qoray bartiisa Facebook ayaa waxa uu ugu hambalyeeyay isbadalka cusub ee Degmada Gaalkacyo, waxaana uu yiri.
“Waxaan soo dhawaynayaa una hambalyeynayaa isbadalka Degmada Gaalkacyo waxaan ku faraxsanahay caqabadii iyo cabsidii maalmahan taagnayd anigoo soo afjaray dadaal dheer kadib in isbadalku dhaco nabadii Gaalkacyo waan garab taagnahay sidii hore aan uga shaqaynayey reer Gaalkacyo nabadiina xagsada iyo walaalnimadiina”ayuu yiri Maxmuud Yaasiin Tumeey.
