Guddoomiyaha Gobolka Banaadir ahna Duqa Magaalada Muqdisho Cumar Maxamuud Maxamed Cumar Filish ayaa Digniin u diray dadka ku Ganacsada hareeraha wadda laamiga ee Magaalada Caasimadda Muqdisho.
Cumar Filish oo la hadlaayay warbaahinta ayaa waxaa uu sheegay in Maamulka Gobolka uu tallaabo ka qaadi doono cid kasta oo gaari Gacan soo dhigta wadada loo yaqaano Cirtoogte ee isku xirta Bakaaraha illaa Isgoyska black ee degmada howlwadaag.
Waxaa uu sheegay Duqa Magaalada Muqdisho in Maxkamad la tiigsan doonaan qof kasta oo gaari Gacan soo dhigta ama Ganacsi ka furta wadada Cirtoogte, isla markaana Ganacsigeeda lagu gubi doono goob fagaare ah.
Isaga oo sii hadlaayay Cumar Filish ayuu tilmaamay in Guddoomiyeyaasha howlwadaag iyo Yaaqshiid iyo Ciidanka Booliska ay u xil saran yihiin ilaalinta wadada, isagoo xusay in Mas’uuliyiinta degmooyinka looga baahan yahay inay kormeeran wadada amarka lasoo saaray.
Guddoomiyaha Gobolka Banaadir ahna Duqa Magaalada Muqdisho Mudane Cumar Maxamuud Maxamed (Cumar Filish) ayaa Maanta Xariga ka jaray wadada laamiga ee isku xirta Isgoyska Baar Ubax iyo Warshada Taraqa iyo sigaarka.
Wadadaan Maanta xariga laga jaray ayaa muhiim u ahayd isku socodka gadiidka noocyadiisa kala duwan iyo dadweynaha, waxaana dhismaha wadadaan iska kaashaday Maamulka Gobolka Banaadir iyo shacabka degmada Howlwadaag.
