Guddiga doorashada Maamulka Galmudug ayaa xalay shaaca ka qaaday Jadwalka doorashada kuraas hor leh oo kamid ah Golaha Shacabka Baarlamaanka 11-aad ee dowladda Federaalka.
Guddiga doorashada ayaa sheegay in diiwaan-gelinta Guddiga xulista ergada ay bilaaban doonto 22-ka bisha oo ku beegan maalinta berri oo sabti ah, halka Liiska magacyada Odayaasha iyo Bulshada Rayidka ee soo xulaya Ergada la shaacin doono 24-ka bisha.
Diiwaan-gelinta Musharaxiinta u tartamaya 7 kursi oo kamid ah 21 kursi oo hore Galmudug u soo saartay ayaa bilaaban doonta 25-ka bishaan Janaayo, waxaana doorashada ay kala dhaceysaa 26-ka iyo 27-ka, iyada oo ka dhici doonto Magaalada Dhuusamareeb.
Dhinaca kale Guddiga Maamulka doorashada Gobolada Waqooyi ee Somaliland ayaa shaaciyay Jadwalka doorashada 6 kursi oo kamid ah kuraasta Golaha Shacabka ee Xildhibaanada kasoo jeeda Somaliland.
Guddiga doorashada oo Qoraal soo saaray ayaa lagu sheegay in diiwaan-gelinta Musharaxiinta u tartamaya 6 kursi ay bilaabaneyso 23-ka bishaan, isla markaana doorashada kuraasta la qaban doono 24-ka bisha, waxaana doorashada lagu qabanayaa Teendhada Afisyooni ee Muqdisho.
Hoos ka Akhriso Jadwalka Doorashada Galmudug ee lasoo saaray
Jadwalkaana waa mid Doorashada Gobolada Waqooyi ee lasoo saaray.
