Guddiga qaban-qaabada Shir-weynaha dib u heshiisiinta Galmudug ee dhawaan ay magacaawday Waraaradda Arrimaha Gudaha, Federaalka ayaa Maanta gaaray Magaalada Gaalkacyo ee Gobolka Mudug.
Wafdiga Xubnaha Guddiga ayaa waxaa Magaalada Gaalkacyo kusoo dhaweeyay Maamulka Gobolka Mudug iyo Degmada Gaalkacyo iyo Mas’uuliyiin ka tirsan Galmudug.
Guddiga qaban-qaabada Shir-weynaha dib u heshiisiinta Galmudug ayaa waxaa lagu wadaa in Gaalkacyo ay kulamo kala duwan kula qaataan Odayasha dhaqanka iyo qeybaha Bulshada,iyagoona kala hadli doona arrimaha dib u heshiisiinta deeganada Galmudug iyo sidii reer Gaalkacyo uga qeyb noqon lahaayeen dib u heshiisiinta Galmudug.
Dhawaan ayay aheyd markii Bulshada reer Gaalkacyo ku baaqdeen in Shirka dib u heshiisiinta Galmudug oo lagu qabto Magaalada Gaalkacyo,kaasi oo haatan Gogashiisa ay taallo Magaalada Dhuusamareeb,kadib markii ay sheegeen in horey Madaxweyne Farmaajo uu u dhagax dhigay Guriga nabadda.
Shir-weynaha dib-u-heshiisiinta Galmudug ayaa Dhuusamareeb ka furmaya August 05/2019, waxaana si wayn u socda diyaar garowga bulshada Galmudug ay ugu jirto ka qayb galka gogoshaas muhiimka u ah dhismaha hey’adaha dowladeed ee Galmudug.
