Guddiga doorashada Madaxweynaha Maamulka Koonfur Galbeed ee la magacaabay 21-kii Bishaan ayaa waxa ay faah faahin ka bixiyeen halka uu marayo qaban qaabadooda ku aadan habka loo marayo doorashada Madaxweynaha Koonfur Galbeed.
Xubin ka mid ah Guddiga oo lagu Magacaabo Shiikh Maxamed Nuur ayaa sheegay in Maalinta berito ah ay dooran doonaan guddoomiyaha Guddiga ku xigeenkiisa iyo xoghaya.
Sidoo kale waxa uu sheegay in intaasi kadib ay bilaaban doonto qabashada araajida musharraxiinta u tartamaysa madaxtinimada K/Galbeed si doorashada ay waqtigeeda ugu dhacdo.
Gaba gabadii waxa uu sheegay in Guddigu ay ku dadaali doonaan in si musuq maasuq la’aan ah ay doorashadu u dhacdo musharixii lagu arkaana ay saameyn ku yeelan doonto u tartamidiisa.
Guddiga doorashooyinka Maamulka Koonfur Galbeed oo dhamaantood ah Xildhibaano ayaa ka kooban 27 Xubnood oo Shan ka mid ah ay dumar yihiin,waxaan laga sugayaa inay ka soo baxaan waajibkooda Shaqo oo ah qabsoomida Doorashada Madaxweynaha Koonfur Galbeed oo lagu balamay 17 Bisha soo socota ee November.
