Guddiga Arrimaha Gudaha iyo Amniga ee Golaha Shacabka Baarlamanaka ayaa kulan kula yeeshay xarrunta Villa Hargeysa Agaasimaha Hay’adda Socdaalka iyo Jinsiyadaha Col. Maxamed Aadan Jimcaale (Koofi).
Ajendaha kulanka ayaa ahaa katashiga Sharciga Socdaalka oo horyaala Guddiga.
Agaasime Koofi ayaa guddiga sharaaxaad ka siiyay ahmiyadda uu leeyahay sharciga Socdaalka. Xubnaha guddiga ayaa agaasimaha weydiiyay su,aalo la xarriiro sharciga Socdaalka.
Kusimaha Guddoomiyaha ahna guddoomiye ku xigeenka Guddiga Arrimaha Gudaha iyo Amniga Xildhibaan Maxamed Cabdulle faarax (Geesey) ayaa uga mahadceliyay Agaasimaha Hay’adda Socdaalka iyo Jinsiyadaha Col.Maxamed Aadan Jimcaale (Koofi) sharaxaada uu guddiga ka siiyay sharciga Socdaalka.