Kooxo hubeysan ayaa la sheegay inay galabta Suuqa Khudaarta Siinaay ku dileen Marxuum Daahir Cumar Afrax oo ka mid ah Ganacsatadda mooska ku iibiya Suuqa Siinaay ee Degmadda Wardhiigleey ee magaalladda Muqdisho.
Goobjoogayaal ayaa u sheegay Radio Dalsan inay rag ku hubeysnaa Bistoolado geysteen dilkaasi, kuwaasi oo ka baxsaday isla goobta, markii ay dileen Marxuumkaasi.
Dhinaca kale, Ciiddan ka tirsan Boliska ayaa gaaray goobta uu dilku ka dhacay, waxayna bilaabeen baaritaanka falka lagu dilay Marxuumkaasi.
Ma cadda sababaha rasmiga ee loo dilay Marxuumkaasi oo ka mid ah Ganacsatada caanka ka ah Suuqa Siinaay.
©Radio Dalsan
