Fanaanka Nimcaan Cabdiraxmaan Xasan Hilaac ayaa laga joojiyay Show uu ku qaban lahaa Magalada Boosaaso ee Xarunta Gobolka Bari ee uu dhawaan gaaray.
In kastoo aysan Maamulka Magalada Boosaaso soo bandhigin sababta ay Showga uu fanaanka qaban lahaa u joojiyeen ayaa waxaa ka hadlay Wasiir ku xigeenka Wasaaradda Warfaafinta Puntland Cabdirisaaq Cumar Ismaaciil.
Wasiirka ayaa sheegay in uu ka xun yahay in fanaanka laga joojiyo bandhig faneedka,waxaana uu dalbaday in tallaabadaas ay Maamulka degmada Boosaaso jawaab ka bixiyaan.
Fanaanka Nimcaan Hilaac weli dhankiisa kama hadlin hakinta lagu sameeyay Showgii uu ku qaban lahaa Magalada Boosaaso ee Xarunta Gobolka Bari.
