Warar dheeraad ah ayaa ka soo baxaya Nin la sheegay in uu hubeysnaa oo ay Ciidamada amniga dowlada ku toogteen gudaha Suuqa Bakaaraha ee Magaalada Muqdisho.
Dad goobjoogayaal ah oo la hadlay Dalsan ayaa waxa ay u sheegeen in Ninka Ciidamada ay dhaawaceen marka hore laga shakiyay,isla markaana lagu armay Nin uu istaago,hayeeshee uu diiday sidaasina ay rasaas ugu fureen.
Sidoo kale waxaa la sheegay in uu Ninka uu watay Bastoolad,iyagoona Ciidamada ay ku qabteen xili uu ku sugnaa Nawaaxiga Hotelka lagu magacaabo Shaam ee ku yaalla Suuqa Bakaaraha.
Wararka qaar ayaa tilmaamay in Ninka hubeysnaa ee la dhaawacay uu la socday Nin kale,balse goobta uu si deg deg ah uga baxsaday.
Wadooyinka ku yaalla Suuqa Bakaaraha ee Magaalada Muqdisho ayaa waxaa meel kasta ka taagan Ciidamada amniga,kuwaasi oo si weyn u sugaya amniga Suuqa weyn ee Bakaaraha.
