Warar dheeraad ah ayaa kasoo baxaya Qarax khasaaro gaystay oo ka dhacay duleedka Magaalada Beledweyne ee Xarunta Gobolka Hiiraan, waxaana la helayaa faah faahinno dheeraad ah oo ku aaddan qaraxaasi.
Wararka aan helnay ayaa tilmaamaya in Deegaanka Ceelgaal oo qiyaastii 13kmt dhinaca waqooyi ugu beegan Magaalada Baladweyne uu ka dahcay Qarax Miino oo sababay dhimasho iyo dhaawac.
Qaraxa ayaa yimid kadib markii miino ay la kacday Gaari siday qaad, kaasi oo marayay inta u dhexaysa Ceelgaal iyo Beledweyne, waxaana inta la xaqiijiyay ku dhintay Qaraxaasi hal qof, waxaana dhaaqacyo ay kasoo gaareen Seddex ruux oo shacab ah, oo ka mid ah dadkii rakaabka ahaa ee Gaariga saarnaa.
Dadkii ku dhaawacmay qaraxaasi ayaa la sheegay in lasoo gaarsiiyay Magaalada Beledweyne ee Xarunta Goblka Hiiraan, halkaasi oo xaaladdooda Caafimaad lagula tacaalayo.
Laamaha ammaanka Gobolka Hiiraan iyo maamulka Gobolku waliw ax war ah kaam soo saarin Qaraxaasi khasaaraha gaystay, sidoo kale ma jirto cid sheegatay Mas’uuliyadda Qaraxaasi.
