Warar dheeraad ah ayaa ka soo baxaya dagaal xoogan oo ka dhacay Degmada Buulo-Burde ee Gobolka Hiiraan,kaasi oo u dhexeeyay Ciidamada maamulka Hirshabelle iyo dagaalamayaasha Al-shabaab.
Dagaalkan ayaa waxaa uu ka dambeeyay,kadib markii Al-shabaab ay weerar ku qaadeen Garoonka diyaaradaha Buulo-Burde halkaasi oo ay Saldhig ay ku lahaayeen Ciidamada maamulka Hirshabeelle,isla markaana waxaa intaasi kadib dhacay dagaal qaatay saacado kooban wallow markii uu istaagay.
Khasaaro isugu jira dhimasho iyo dhaawac ayaa lagu soo waramayaa in uu ka dhashay dagaalkii ka dhacay Gobolka Hiiraan oo soo kala gaara labada dhinac ee dagaalamay,in kastoo aan si dhab ah loo xaqiijin karin inta uu la egyahay.
War qoraal ah oo lagu faafiyay baraha Al-shabaab ee Internet-ka waxaa ay sheegteen in dagaalka ay ku dileen labada Askari oo ka tirsan Ciidamada maamulka Hirshabeelle.
Sidoo kale Al-shabaab ayaa sheegtay inay u horey u soo qaateen hubkii ay wateen Askarta la dilay,hayeeshee ma jiro warar madax banaan oo xaqiijinaya.
Al-shabaab ayaa marar qaar weeraro ku qaada Saldhiga Gobolada dalka ay ku leeyihiin Ciidamada dowladd,AMISOM iyo kuwa dowlad Goboleedyada dalka,kuwaasi oo sababa Khasaarooyin kala duwan.
