Ilo-wareed ka tirsan Ciiddanka Ammaanka ee dalkaasi ayaa sheegay in 6 Gantaal oo noocoodu yahay Katayuusha maanta lagu duqeeyey Saldhiga hoy u ah Ciiddanka Isbahaysiga Maraykanka ku leeyihiin Gobalka Anbaar ee Galbeedka dalkaasi.
Madaafiicdaasi waxaa la sheegay inay dhamaantooda ku hoobteen Saldhiga Ciiddanka Cirka ee Cayn Al-Asad ee Gobalka Anbaar.
Afhayeenka Isbahaysiga Milliteriga Maraykanka ka jooga dalkaasi, Kolonel Wayne Marotto waxa uu bartiisa Twitterka ku xaqiijiyey inay Duqeyntaasi dhacday 2-dii iyo 45 daqiiqo ee Duhurnimadii manta oo Isniin ah.
Waxa kale oo uu tilmaamay inay 3 Madfac ku dhaceen Nawaaxiga Saldhiga, balse aysan wax khasaaro ah geysanin.
Ma jirto koox sheegatay Duqeynta lala beegsaday Saldhiga Ciiddanka Cirka ee Cayn Al-Asad oo 190-KM dhanka W/Galbeed kaga toosan Caasimadda dalkaasi ee Baqdaad.
