Guddoomiyaha Gobolka Banaadir ahna duqa Muqdisho Cumar maxamed maxamuud Cumar Filish ayaa sheegay in uu ku guuldarraystay in waddooyinka Magaalada Muqdisho uu ka qaado dhagxaanta waa weyn ee lagu gooyay iyo sidoo kale in uu furo waddooyinka muhiim u ah isku socodka shacabka.
Cumar Filish oo ka hadlayay Munaasabad loogu dabbaal dagayay sanad guuradii kasoo wareegatay markii uu xilka la wareegay ayaa waxa uu sheegay in ay jiraan waxtyaabo badan oo u qabsoomay maamulkiisa, kuwaas oo uu sheegay in waqti iyo dadaal badan uu galiyay.
Waxaa sidoo kale uu sheegay Guddoomiye Cumar Filish in caqabadaha ugu weyn ee waddooyinka muqdisho ay u xireen ay tahay ka hortag ay doonayaan in ka hortagaan falalka qaraxyada u badan ee AL-shabaab ay ka fulliyaan Muqdisho.
Kulanka ka dhacay Xarunta dhalinuarada ee Gobolka Banaadir ayuu Guddoomiye Flish ka sheegay in ay doonayaan in ay dar-dar galiyaan howlaha caasimadda oo habacsnaan dhanka ammaanka ah laga dareemayo, waxaana uu ballan qaaday in isbedel dhab ah la imaan doono.
Shalay oo ugu danbeysay ayuu Cumar Filish waxaa uu guddoomiyaal u magacaabay qaar ka mid ah degmooyinka Gobolka Banaadir, waxaana uu sheegay in tani ay qayb ka tahay dar-dar galinta xagga ammaanka ah ee maamul kiisu ku tallaabsan doono.
