Warar lagu kalsoonaan karo oo aan helnay ayaa waxaa ay sheegayaan in dowladda Federaalka Soomaaliya ay ogolaatay Shahaadada Ardayda deegaanda maamulka Puntland, kadib markii kal horey ay diiday
Mas’uuliyiin iyo Xildhibaano ka tirsan dowladda kana soo Puntland ayaa waxaa la sheegay inay dadaal badan ku bixiyeen sidii ay dowladda Federaalka u ogolaan laheyn bixinta Shahaadada, iyadoona Arday Puntland loo ogolaaday Shahaadada.
Wararka ayaa intaasi kusii daraya in xalay kulan Khadka telefoonka ah uu dhexmaray Ra’iisul Wasaaraha Xukuumadda Xasan Cali Kheyre iyo Madaxweynaha Puntland Saciid Cabdullaahi Deni, iyagoona ka wada hadlay Arrimaha Shahaadada.
Ra’iisul Wasaare Kheyre ayaa Madaxweyne Deni u sheegay in Xukuumadda Federaalka ay ka laabatay go’aankii ay ku xannibtay Shahaadada Ardayda Puntland.
Bilihii lasoo dhaafay ayaa waxaa jiray Khilaaf xoogan oo ku aadan dhinaca waxbarashada oo u dhexeeyay Wasaaradda Waxbarashada dowladda iyo maamulka Puntland, hayeeshee waxaa la sheegayaa in xal laga gaaray arrintaas.