Guddoomiyaha Golaha Shacabka Baarlamaanka 11-aad ee dowladda Federaalka Soomaaliya Sheekh Aadan Maxamed Nuur (Madoobe) ayaa maanta kulan la qaatay safiirka dalka China Amb. Fei Shengchao.
Danjiraha Shiinaha ayaa dhambaal salaan ah soo gaarsiiyay Guddoomiye Sheekh Aadan Madoobe, kaas oo uga siday Guddoomiyaha Golaha Baarlamaanka dalka Shiinaha Li zhanshu,
Sidoo kale Safiirka ayaa xusay in dowladda Shiinaha ay kordhin doonto deeqaha waxbarasho oo ay siiso dalka, sidoo kale waxay ballan qaadeen in Baarlamaanka ay kala shaqeyn doonaan horumarinta adeegyadda muhiimka ah.
Guddoomiyaha Baarlamaanka JFS Sheekh Aadan Madoobe ayaa boggaadiyey doorka horumarineed ee dowladda Shiinaha ay ka wado dalkeenna uu yahay mid lama ilaawaan ah, waxaana uu ku dhiira-geliyey in dedaalkaasi uu noqdo mid mira dhal ah oo mataaneeya labada dowladood.
