Guddiga Doorashadda Dadban ee Heerka Federalka ayaa ku dhawaaqay in dib loo dhigay Doorashadaasi, si lo oxaliyo Khilaafka ka jira Doorashadda.
Qoraal kooban oo la soo dhigay Barta Twitter-ka ee Guddigaasi ayaa lagu muujiyey in dib loo dhigay doorashadda xubnaha Beelaha Waqooyi ee Aqalka Hoose ee Barlamaanka soo socda.
Go’aankaasi ayaa ku soo beeegmay, iyadoo horey loo doortay 19 Kursi oo ka mid ah 46-ka Kursi ee ay Beelaha Waqooyi ku leeyihiin Aqalka Hoose ee Barlamaanka.
Buuq ayaa waxa uu maalmihii la soo dhaafay ka jiray Xulista Ergooyinka Doorashadda ee Beelaha Waqooyi iyo Maamulka Puntland oo doonaya in saami laga siiyo xubnaha Beelaha Waqooyi ee Aqalka Hoose.
Puntland ayaa diidan labada xubnood ee Goballadda Sool iyo Sanaag ka soo galayo ee saami-qeybsiga Beelaha Waqooyi
Sidoo kale, Ra’isul-wasaare Cumar C/rashiid oo ka soo jeeda mid ka mid ah Beelaha deggan Waqooyiga Somalia ayaa ku doodayo in Beeshiisa saami laga siiyo xubnaha Beelaha Waqooyi, iyadoo ay Beeshiisa horey saamigooda uga heleen xubnaha Maamulka Puntland ee Aqalka Hoose ee Barlamaanka soo socda.
©Radio Dalsan
