Madaxweynaha Maraykanka oo maanta Shir Jaraa’id ku qabtay caasimadda dalka Japan ee Tokiyo ayaa sheegay inaysan doonaynin inay Dowladda Iiraan xilka ka tuuraan, balse ay doonayaan in laga joojiyo hubka Nukliyeerka.
Wuxuuna intaasi ku daray inuu rumeysan yahay inuu heshiis la gaari doono Iiraan, isla markaana aysan cidna doonaynin waxyeello.
Dhinaca kale, Ra’isul-wasaaraha dalka Japan, Shinzo Abe waxa uu sheegay inuu doonayo inuu dhexdhexaadiyo Dowladaha Maraykanka iyo Iiraan, si looga gaashaanto iska horimaad dhex mara labada dhinac.
Warbaahinta Gudaha ayaa sheegay inuu Ra’isul-wasaaraha Japan, Shinzo Abe qorsheynayo inuu bisha soo socoto booqasho ku tago dalka Iiraan, si xal loogu helo Khilaafkaasi.
