Donald Trump iyo Uhuru Kenyatta oo ka wada hadlay Dagaalka Alshabaab iyo Ammaanka Gobalka.

Madaxweynaha dalka Maraykanka, Donald Trump waxa uu xalay khadka Telefoonka kula hadlay Dhigiisa dalka Kenya, Uhuru Kenyatta, iyagoo ka wada hadlay xiriirka Labadooda Dal, Ganacsiga, Dagaalka Alshabaab iyo Deganaanshaha Qaaradda Afrika.

Afhayeenka Aqalka Cad ee Maraykanka, Sean Spicer ayaa sheegay inay Labada Hoggaamiye diiradda saareen Iskaashiga Dhaqaale ee labada Waddan, Hawlgalka AMISOM ee La-dagaalanka Xarakadda Alshabaab iyo sidii ay iskaashi dhow uga yeelan lahaayeen Ammaanka Gobalka.

â€œMadaxweyne Trump waxa uu bogaadiyey doorka muhiimka ee Kenya ka qaadanayso Hawlgalka AMISOM, wuxuuna aqoonsaday Dagaalka ay Ciiddanka Kenya kala soo horjeedaan Alshabaabâ€ ayu uyiri Afhayeenka Aqalka Cad ee looga arrimiyo dalka Maraykanka.

Wada-sheekeysiga Donald Trump iyo Uhuru Kenyatta o oqaatay muddo 60-daqiiqo ah Â waxayÂ kaloo ka wada hadleen sidii loo kordhin lahaa Xiriirkooda Ganacsi iyo Maalgashiga Kenya iyo Balalarinta Xiriirka Mandiqadda Bariga Afrika.

Dhinaca kale, Madaxweynaha dalka Maraykanka, Donald Trump waa markii Shanaad ee uu la hadlo Hoggaamiye Afrikaan ah, tan iyo markii xilka Madaxweynaha loo caleema-saaray bishii January 20-dii ee sannadkan.

Madaxweynayaasha Afrikaanka ee uu Donald Trump horey ula hadlay ayaa waxay kala yihiin: Madaxweynayaasha dalalka Masar, Tunisia, Koonfurta Afrika iyo Nigeria.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.