Wararka naga soo gaarayo gobolka Shabeelaha dhexe gaar ahaan degaanka Xawaadleey oo hoos-yimaada degmada balcad ayaa ku waramaya in dadka kunool degaankaasi uu dhibaato ku hayo Cudurka Shubanka oo ka dilaacay deegano kamid ah Shabeellaha Dhexe.
Cudurka Shubanka aya dhawaan ka dilaacay deegaanka Xawaadley,waxaana uu soo ritay dad badan oo hada lajiifay Cudurkaasi,iyagoo dadku ay codsanayaan in loo fidiyo Kaalmo Daawa ah.
Saacadihii la soo dhaafay Xawaadley waxaa cudurka Shubanka ugu geeriyootay 20-tan ruux oo uu soo ritay cudurka,una dhintay,waxaana sii kordhaya dhibaatada uu cudurkaasi ku hayo dadka ku nool deegaankaasi.
Maamulka Degmada Balcad ayaa sheegay in dhibaato ay ka jirto Xawaadley dadkuna eysan heysan Daawa ku filan, si cudurkaasi oo Qatar ku haya looga hortago,waxaana uu codsaday maamulku in dadkaasi loo soo gurmada si looga badbaadiyo dhibaatada uu ka hayo Cudurka Shubanka.
