Wararka naga soo gaaraya degmada Afgooye ee Gobolka Shabeellaha Hoose ayaa waxa ay sheegayaan in halkaasi diyaarado joog hoose ku socda xalay ilaa saakay lagu arkayay deegaano hoostaga degmadaasi.
Diyaaradahaas ayaa waxaa la sheegay inay duqeymo u geysteen Matooro lagu Waraabiyo Beero ku yaalla deegaano hoostaga degmada Afgooye.
Dadka deegaanka ayaa waxa ay sheegeen in diyaaradaha sidoo kale ay duqeeyeen Saldhigyo Al-shabaab ay ku lahaayeen halkaasi,isla markaana la beegsaday,inkastoo aysan xaqiijin karin khasaaraha ka dhashay.
Sidoo kale dadka deegaanka ayaa sheegay in ay cabsi xoogan soo wajahday,kadib markii xalay ilaa saakay diyaarado dagaal ay dul heehaabayeen deegaano hoostaga degmada Afgooye ee Gobolka Shabeellaha Hoose.
Ilaa iyo hada Ma jiro wax war ah oo ka soo baxay maamulka Gobolka Shabeellaha Hoose oo ay uga hadlayaan duqeymaha laga fuliyay deegaano ka tirsan Shabeellaha Hoose.