Maxamed Bin Salman Al-Sacuud oo ah Dhaxal-sugaha iyo Madaxa Golaha Wasiirada ee dalka Sacuudiga waxa uu Dhambaal Qoran ka helay Madaxweynaha Jamhuuriyadda Federaalka Soomaaliya, Xasan Sheekh Maxamuud.
Dhambaalkaasi waxaa Dhaxal-sugaha u guddoomay Dr. Sacuud Bin Maxamed Al-Saadioo ah Wakiilka Wasaaradda Arrimaha Dibedda Sacuudiga ugu qaabilsan Arrimaha Siyaasada, kadib, markii uu shalay oo Khamiis aheyd Xafiiskiisa ku qaabilay Ergayga Khaaska ee Madaxweynaha JFS, Ambassador Daahir Maxamuud Geelle.
Dhambaalka Madaxweyne Xasan Sheekh u diray Dhaxal-sugaha Sacuudiga waxa uu dulucdiisa ku salaysnaa Xoojinta Cilaaqaadka Labo-Geesoodka ee u dhexeeya dalalka Somalia 🇸🇴 iyo Sacuudiga 🇸🇦.
Docda kale, La-Taliyaha Khaaska ee Madaxweynaha JFS iyo wakiilka Wasaaradda Arrimaha Dibedda Sacuudiga ugu qaabilsan Arrimaha Siyaasada waxay isla eegeen sidii loo xoojin lahaa Xiriirka labada dal iyo Mowduucyo kale oo khuseeya Danaha Wadajirka ee Somalia iyo Sacuudiga.
