Waxaa Maanta Kulan ku yeeshay Magalada Muqdisho Xildhibaano ka tirsan Golaha Shacabka ee kasoo jeeda deegaanada Maamulka Koonfur Galbeed,iyaga oo kulankooda uga hadlayay xaaladaha kasoo cusboonaaday deegaanada Koonfur Galbeed.
Xildhibaanada ayaa waxa ay sheegeen in dowladda Federaalka Soomaaliya ay faragelin ku heyso doorashooyinka Koonfur Galbeed,isla markaana looga baahan yahay inay faraha kala baxdo.
War-Saxaafadeedeed ay soo saareen kulankooda kadib ayaa waxa ay soo saareen dhowr qodob oo kala ah.
1: Marka hore waxa ay tacsi u direen dadkii ku geeriyooday banaanbaxyadii rabshadihii maalmihii la soo dhaafay ka dhacay Magalada Baydhabo ee Xarunta Gobolka Baay.
2: Waxaan si adagu cambaareyneynaa afduubkii loo geystay Musharax Madaxweyne Muqtaar Roobow oo Ciidamada Itoobiya ay dhawaan kasoo xireen Magalada Baydhabo kuna soo wareejiyeen Ciidamada Nabadsugida Soomaaliya.
3: Waxay sidoo kale cambaareeyeen in Ciidamada Itoobiya ay ku milmeen xaaladaha Siyaasadeed ee Soomaaliya,isla markaana ay sixun ula dhamqeen Shacabka Magalada Baydhabo.
4: Waxay dalbadeen in dib loo dhigo doorashada Madaxweynaha Koonfur Galbeed oo lagu wado inay dhacdo 19 Bishaan,iyada oo la eegayo maslaxada iyo danaha qaranka.
4: in lasoo daayo dadka sida sharicdarada ah lagu xiray,iyaga oo gudanayay waajibaadkooda Shaqo,isla markaana cabirayay dareenkooda.
Ugu dambeyn Xildhibaanada ayaa waxa ay shacabka Koonfur Galbeed ugu baaqeen inay ilaaliyaan Nabada,iyaga oo txraacaya qodobka 20aad ee Dastuurka oo u cadeynaya inay ka qeyb qaadan karaan abaabuli karaan banaanbaxyo.
Hoos Ka Dhageyso War-Saxaafadeed oo uu Akhrinayo mid ka mid ah Xildhibaanada.
