Warkaan waxaa sheegay Wasiirka Wasaaradda Ganacsiga iyo Warshadaha Xukuumadda Soomaaliya Maxamed Cabdi Xayir Maareeye,waxa uuna sheegay in hadda baadi goob lagu haayo midabka saxda ah ee Calanka Soomaaliya.
Waxa uu sheegay in Xarumaha Dowladda,xilliyada shirarka laga qeyb galayo iyo meel kasta markii la tago lagu arkayo Calanka soomaaliya oo midabadiisu ay kala duwan yihiin.
“Xaqiiqdii hadda majirto cid isticmaasha midabka saxda ah ee Calanka Soomaaliya,waayo waxaan arkaa markii shirar Caalami ah laga qeyb galayo ama munaasabado dalka ay ka dhacayaan in lala tago Calanka Soomaaliya oo midabkiisa midna cadeys yahay midna buluug tiq ah uu yahay ayuu yiri Wasiir Maareeye.
Sidoo kale waxa uu sheegay in Wasaaraddu ay iminka wado qorsho ah in la helo midabka saxda ah ee Calanka,isla markaana ay jiraan shirkado tartan u galaya in ay soo helaan,dhawaana tartankaas ay Wasaaradu qaban doonto.
Marka laga soo tago hadalka Wasiir Wasaaradda Ganacsiga iyo Warshadaha Xukuumadda Soomaaliya ayaa hadana waxaa jira in dhammaan Maamul goboleedyada dalka ka jira uu mid kasta leeyahay Calan u gooni ah taas oo hoos u dhigtay maamuskii gudaha dalka uu ku lahaa Calanka Soomaaliyeed.
Hoos Ka Dhageyso Codka Wasiirka Wasaaradda Ganacsiga iyo Warshadaha Xukuumadda Soomaaliya.
