Shirkii Golaha Wasiirada Soomaaliya oo maalin walba oo Khamiis ah ay Muqdisho ku yeeshaan ayaa manta ahaa mid ka duwan todobaadyadii la soo dhaafay kadib markii ay xilalkii iska casileen taliyihii Ciidanka xoogga dalka iyo wasiirka Gaashaandhiga Soomaaliya.
Marka hore waxaa la sheegay in Wasiiru dowlaha Gaashaandhiga uu Golaha Wasiirada horgeeyay iscasilaad uu soo gudbiyay taliyihii Ciidanka xoogga dalka Soomaaliya oo todobaadyadii la soo dhaafay la sheegyay in xilka qaadis lagu sameynayo.
Dhanka kale Xubnaha Golaha Wasiirada ayaa waxa ay durbadiiba ay ay u Magacaabeen xilka taliyaha ciidanka xoogga dalka Soomaaliya in uu noqdo isla markaana uu Cirfiid bedelo Gen, Cabdi Jaamac Warsame Gorod.
Sidoo kale intii lagu guda jiray Shirka Golaha wasiirada ayaa waxa ku dhawaaqay in uu is casilay Wasiirka Gaashaandhigga Soomaaliya Cabdirashiid Cabdullaahi Maxamed taas oo is casilaadiisa lagu sheegay in ay tahay khilaaf ka dhashay xilka qaadis lagu sameynayay taliyihii ciidanka xoogga dalka Maxamed Axmed Jimcaale cirfiid.
Kulanka Golaha Markii uu soo gaba gaboobay waxaa Saxaafada la hadlay una faah faahiyay Wasiirka Warafafinta Soomaaliya Cabdiraxmaan Cumar Cisman Yariisoow.
Hoos Ka Dhageyso Codka Wasiirka ee Golaha Wasiirada