Maxkamada Ciidamada Puntland ee Shanta Gobol ayaa Maanta waxa y xukun ku riday dad lagu eedeeyey inay ka tirsan yihiin Al-Shabaab iyo Daacish iyo sidoo kale askar ka tirsan Ciidamada Puntland.
Ragga la eedeeyey ayaa Maxkamada waxa ay ku riday xukun dil toogasho,kuwaas oo laba ka mid ah loo heysto inay ka tirsanaayeen Kooxda Daacish halka midka kale loo heysto inuu ka ka mid yahay Al-Shabaab.Sidoo kale Maxkamadda ayaa saddex Nin oo kale ku xukuntay Xabsi daa’in,waxaana ay ku eedeysanyihiin ka mid ahaanshaha Al-shabab iyo Daacish.
Maxkamadda ayaa aqbashay in baaritaancxaafimaad lagu sameeyo mid ka mid ah dadka eedeysanayaasha ah,waxaana sidaas codsaday qareenkiisa.
Dhageyso Codka Xukunka Maxkamada kana Akhriso Magacyada eedeysanayaasha.
Xassan Laamow Aadan katirsan Daacish, Yaasiin Cismaan Cabdi Saalax iyo Xassan Maxamed Cali Ibraahim, katirsan Al- shabaab.
Magacyada xabsi daa’inka lagu xukumay.
Xuseen Jaaylaani, Cabdi Cumar iyo Bishaar ka tirsan Alshabaab
iyo Xasan Maxamed oo caafimaadka loo diray.
Ugu dambeyn Maxkamada ayaa Laba xidigle Maxamed Jaamac, oo ka tirsan Ciidanka Puntland waxa ay ku xukuntay Shan sano,isaga oo loo heysto inuu dil gesytay iyo sidoo kale bixinta diyada qofkii uu dilay.