Shalay gelinkii dambe Muqdisho waxaa ka dhacday doorashada Xubin ka bannaaneyd Golaha Shacabka Soomaaliya waxaaana Gudiga doorashada ay ku sameeyeen doorasho mid ka mid ah musharixiintii tartami laheyd uusan Goobta joogin.
Cabdiraxmaan Axmed Ceynaan iyo Fataax Saciid Xasan Geeddi,waxaana ugu dambeyn Guuleystay Fataax Saciid Xasan Geeddi oo uu dhalay xildhibaankii horay u geeriyooday halka Cabdiraxmaan Axmed Ceynaan oo goobta ka maqnaa uu shaaciyay in cadaaladdarro lagu sameeyay.
Cabdiraxmaan Axmed Ceynaan oo Wareysi siiyay Radio Dalsan Xarunta Muqdisho ayaa sheegay in Maalin ka hor la bedelay Ergadii dooran laheyd isla markaana isaga oo aan ka warqabin la sameeyay doorashadii.
Arrintaan ayaa waxa uu ku eedeeyay in uu ka dambeeyay Suldaanka Beeshooda,waxa uuna sheegay in Guddiga doorashooyinka uu dhowr mar la xiriiray balse aysan wax jawaab ah siinin mararka qaarna taleefoonka ay ka qaban weysay Gudoomiyaha Guddiga doorashada Xaliimo Yareey.
Waxa uu sheegay in isaga markii uu maqlay in ay jirto doorasho uusan goobta tegin isla markaana uu u arkay kaalay aan kaa badiyee maadaama ergadiisii la bedelay sda uu hadalka u dhigay.
Sidoo kale isaga oo sii hadlayay ayaa waxa uu sheegay in uu Maxkamad ka dacweyn doono Gudiga doorashooyinka oo uu ku eedeeyay in aysan u soo sheegin in ay doorasho qabanayaan sidoo kalena Ergadiisii la belay.
Hoos Ka Dhageyso Wareysiga Cabdiraxmaan Axmed Ceynaan.
