Wargeysyada Kenya ayaa sheegaya in ciidamada Kenya ay weerar gaadmo ahaa ku dilen ku dhawaad 21 dagaalame oo Al Shabab ka tirsan iyo taliyihii la socday.
Wargeyska The Standard ayaa sheegaya in Weerarka oo ka dhacay deegaanka Hawina oo ku dhaw Dhoobley ay sido kale ciidamada Kenya ku soo qabsaden 71 qoryaha AK 47,5 bambo iyo hub kale.
Al Shabab ayaa shalay weerar xoogan oo gaadmo ahaa ku qaaday kolonyo ciidamada Kenya ah oo hub u soo waday xarun militari oo ay ku leeyihiin deegaanka Taabto balse waxa qabsaday weerarkasi.
Al Shabab guul ayay weerarka ka sheegatay waxa ayna warbaahinteeda tabiyen in gaari looga gubay weerarka ciidamada Kenya.
Weli dowlada Soomaaliya si rasmi ah ma aysan uga hadlin dagaalka oo shalay muddo ka badan seddex saacadood ka socda gobolka Jubbada Hoose ee koonfurta Soomaaliya.
