Sida lagu soo daabacay Cadadkii Maanta ee Wargeyska Daily Nation waxaa gacanta lagu dhigay Askari ka tirsan Ciiddanka Kenya iyo Askari ka ruqseystay Ciiddanka iyo 3 nin oo lagu tuhunsan yahay inay ka iibinayeen waxyaabaha qarxa.
Hawlgalkaasi ayaa ka dhacay Xaafadda Lang’ata ee Nairobi, waxaana lagu soo helay waxyaabaha qarxa, kuwaasi oo haatan lagu hayo baaritaano dheeraad ah.
Hawlgalkaasi oo xalay ka dhacay Nairobi waxaa fuliyey Saraakiil dhar cad ah oo ka kala socday Boliska iyo Nabadsugida Kenya, kuwaasi oo iska dhigay dad doonayey inay iibsanadaan Qaraxyadaasi, waxayna Hawlgalkaasi ku soo qabteen Askar magacyadooda lagu kala sheegay Frnacis Otleno Oluoch, Robert Osano iyo Nathaniel Kiprono.
Sidoo kale, waxaa lagu soo xiray 3 qof oo Kernyan ah oo lagu tuhunsan yahay inay iibsanayeen Qaraxyadaasi.
Dhinaca kale, Baarayaasha waxay wadaan Hawlgalo dheeri ah oo lagu doonayo halka asal ahaan laga keenay iyo Eedeysanayaal kale ee ku lugta leh Fal-dembiyeedkaasi.
©Radio Dalsan
