Wararka aan ka helayno Magaalada Bacaadweyne ayaa ku warramaya in halkaasi Ciidanka Maamulka Galmudug ee ku sugan Koontoroolka Magaaladaasi ay fashiliyeen Qarax Ismiidaamin ah.
Wararku waxaa ay tibaaxayaan In Ciidanka ku sugan halka laga soo galo magaalada Bacaadweyne ay toogteen wadihii Gaarigaasi ay saarnaayeen waxyaabaha Qaraxa, waxaana la sheegay in Toogashada kadib uu qarxay Gaarigaasi laga soo buuxiyay waxyaabaha Qarxa.
Gaariga ayaa la sheegay in uu aad looga soo buuxiyay Waxyaabaha Qarxa, waxaana loo badinayaa in lala beegsan rabay Ciidanka iyo meelaha Muhiimka ah ee Magaaladaasi, waxaana sidoo kale Gaarigu uu ahaa Nooca loo yaqaanno land cruiser.
Wararkii ugu dambeeyay ee naga soo gaariya Bacaadweyne ayaa waxaa ay sheegayaan in aysan jirin wax khasaaro ah oo ka dhashay Qaraxa, marka laga Reebo Wadihii la toogtay iyo Gaarigii uu Qaraxa ku waday.
Wali Saraakiisha ammaanka Degaankaasi iyo kuwa Galmudug wax war ah kama soos aarin Qaraxaasi Ismidaaminta ahaa ee la sheegay in Ciidanku ay fashiliyeen.
Magaalada Bacaadweyne ayaa dhawaanahaan waxaa ay noqoto Mid si weyn ay ugu hardamaan dagaalamayaasha Al-shabaab iyo Ciidanka Galmudug oo garab ka helaya Ciidanka Xoogga Soomaaliyeed, waxaana Magaaladaasi weeraro kala duwan kusoo qaaada inta badan dagaaalamayasha Al-shabaab.
