Cali Cabdullaahi Xuseen (Cali Guudlaawe) Madaxweynaha Dowlad Goboleedka Hirshabeelle ayaa maanta si rasmi ah u furay Kal-fadhiga 16-aad ee Baarlamaanka Hirshabeelle.
Munaasabadda furitaanka waxaa goobjoog ahaa Madaxweyne ku-xigeenka Hirshabeelle Yuusuf Axmed Hagar (Dabageed), Guddoonka Baarlamaanka, Xildhibaanada Hirshabeelle iyo Wafdiga labada aqal ee Baarlamaanka JFS.
“Waa inoo furan yahay kal-fadhiga 16-aad ee Baarlamaanka Dowladda Hirshabeelle. Howlaha hor-tebinta idiin leh inaad dardargelisaan ayaan rajeynayaa haddii uu Alle idmo.”
Gabogabadii Madaxweynaha Dowladda Hirshabeelle ayaa ugu mahadceliyay wakiilada Dowladda Hirshabeelle sida ay uga qeybqaateen dagaalka dib u xorreynta.
