Injineero u dhashay dalka Ruushka oo Hawlgal miino-baaris ah ka bilaabay dalka Syria

Hadal ka soo baxay Wasaaradda Difaaca ee Raashiya ayaa lagu sheegay inay 175 Khubaro loo soo diray Syria, si ay u  kala furfuraan Miinooyinka ku aasan Degmadda Deyr Al-suur, halkaasi oo ay Ciiddanka Dowladda kula dagaalamayaan Kooxda Daacish.

40 ka mid ah Khubaradaasi waxaa horey loogu daad-gureeyey Saldhigga Ciiddanka Cirka Raashiya ku leeyihiin gudaha dalka Syria.

Dhinaca kale, Milliteriga Syria iyo Maleeshiyadda SDF ee ay Maraykanka taageeraan waxay labo jiho oo kala duwan kula dagaalamayaan Kooxda Daacish ee ku sugan magaalladda Deyr Al-suur.