Wararka naga soo gaarayo magaalladda Gaalkacyo ayaa waxay sheegayaan inay halkaasi soo gaareen 28 Badmaaxiin Shisheeye ah oo ay sii daayeen Burcad-baddeed afduub u haysatay muddo 4-sanno ah.
Burcad-baddeeda ayaa la sheegay in la siiyo Lacago madax-furasho oo aan la cayimin, si loo sii daayo Badmaaxiintaasi oo shaqaale ka ahaa Dooni Ganacsi oo lagu magacaabo Nihaam 3, taasi oo la qafaashay sannadkii 2014-kii.
Badmaaxiinta la sii daayey ayaa laa filayaa inay maanta u dhoofaan magaalladda Nairobi, sida ay sheegeen Ilo-wareed ku sugan magaalladda Gaalkacyo.
Lama shaacinin Badmaaxiinta dalalka ay u kala dhasheen iyo Kharajka loo bixiyey madax-furashadda lagu sii daayey.
Sii-dayntooda ayaa timid dhowr maalmood kadib, markii uu Xoghayaha Guud ee QM ee Xilligiisu dhamaaday, Ban Ki-moon sheegay inay Burcad-baddeeda Soomaalida afduub ahaan u haystaan 44 Badmaax, oo 5 mid u dhasheen Kenya.
©Radio Dalsan
