Sida lagu soo daabacay Wargeyska Nation ee ka soo baxa Nairobi waxaa maydka Askarigaasi maanta laga dhex helay gaarigiisa oo yaallay Deegaanka Dhismayaasha Umoja ee Nairobi.
Goobjoogayaal ayaa u sheegay Wargeyska Nation in nInkaasi uu labo Haween Khamri kula cabayey Bara ku yaalla Umoja.
Hadal ka soo baxay Boliska ayaa lagu sheegay inay suurto-gal tahay inay Haweenkii uu la caweynayeen ninkaasi siiyeen Mukhaadaraad, ka hor intaysan tegin gurigaasi, kana soo dhicin alaab badan.
Boliska waxay sheegeen inay haynin raad horseedi kara haweenkii geystay falkaasi.
Dhinaca kale, Mas’uuliyiin ka socday Ciiddanka Kenya ee KDF ayaa galabta tegay goobta uu yaallay maydka Askarigaasi.
Waxayna xaqiijiyeen inuu Askarigaas bishii hore ka soo laabtay Hawlgalka AMISOM ee Somalia.
Xigasho: Nation
©Radio Dalsan
