Wararka aan ka heleyno Gobolka Shabeellaha Hoose ayaa waxaa ay sheegayaan in Ciidamo ka tirsan dowladda Federaalka Soomaaliya uu weerar dhabba-gal ah ku qabsaday duleedka deegaanka Warmaxan ee Gobolkaas.
Rag hubeysan oo ka tirsan Al-shabaab ayaa la sheegay inay weerar ku qaadeen Ciidamada dowladda oo socdaal ku marayay wadada laamiga ah ee duleedka deegaanka Warmaxan, waxaana weerarka ka dhashay isugu jira dhimasho iyo dhaawac.
Al-shabaab warar ay ku qoreen barahooda dhinaca Internet-ka ayaa waxaa ay ku sheegteen in weerarka dhabba-galka ay ku dileen saddex Askari oo ka tirsan Ciidanka dowladda Federaalka, halka laba kalena ay dhaawacyo soo gaareen.
Sidoo kale Shabaabka ayaa intaas waxaa ay kusii dareen inay qabsadeen saanado hub ah oo ay wateen ciidamada dowladda, waa sida ay hadalka u dhigeen, welina ma jiro wax war ah oo kasoo baxay Saraakiisha Ciidanka oo ku aadan weerarkaas dhacay.
Ciidamada dowladda Federaalka ayaa dhowr jeer oo horey sidaan oo kale deegaano ka tirsan Gobolka Shabeellaha Hoose waxaa lagula eegtay weeraro Jad-gal ah oo geystay khasaaro kala duwan, waxaana xusid muran in Al-shabaab iyo Ciidamada dowladda ay halkaas ku dagaalameen.
