Afhayeenka Hawlgalka AMISOM, Joe Kibet ayaa hadalkaasi ku sheegay Wareysi uu siiyey Wakaalladda Wararka XINHUA, wuxuuna xusay inay Ciiddan ka tirsan AMISOM iyo kuwa Dowladda Federalka ay shalay dagaal ku dileen 6 ka tirsan Dagaalamayaasha Alshabaab, waa sida uu hadalka u dhigay.
Waxa uu intaasi ku daray inay Alshabaab kala wareegeen Deegaanka Bula-gaduud oo qiyaastii 35 KM dhanka Koonfurta kaga toosan magaalladda Kismaayo.
Afhayeenka Hawlgalka AMISOM, Joe Kibet waxa uu Wareysigiisa ku sheegay inuusan wax khasaaro ah soo gaarin Ciiddanka AMISOM ee ka qeyb galay Hawlgalkaasi.
Dhinaca kale, Ilo madax-bannaan iyo Goobjoogayaal ayaa sheegay inay Dagaalamayaasha Alshabaab ku gubeen ugu yaraan hal gaari oo ay Ciiddanka Ethiopia lahaayeen dagaalkii shalay ka dhacay Deegaanka Buulo-gaduud.
©Radio Dalsan
