Wararka aan ka heleyno deegaan hoostega Magaalada Baraawe ee Gobolka Shabeellaha Hoose ee Maamulka koonfur Galbeed ayaa waxaa ay sheegayaan in halkaas ay la wareegeen dagaalamayaasha Al-shabaab.
Al-shabaab ayaa la wareegtay gacan ku heynta degaan lagu magacaabo marin gubaay oo 40-KM ujira Magaalada Baraawe, kadib markii halkaas ay barqanimadii Maanta isaga baxeen Ciidanka AMISOM gaar kuwa Uganda oo ku sugnaa.
Dadka deegaanka ayaa waxaa ay ku warrameen in mar qura ay ka War haleen Ciidankii Uganda ee joogay marin gubaay oo isaga baxaya deegaanka, isla markaana agabyadoodii ka qaatay Saldhigyo ay ku lahaayeen deegaankaas.
Sidoo kale dadka ayaa sheegay in saacad kadib marin gubaay ay gudaha u soo galeen Al-shabaab oo wata gaadiidka nooca dagaalka,iyada wax dagaal uusa ka dhicin oo si caadi ah Shabaabka u qabsadeen, isla markaana weli ay sugan yihiin.
Wararka ayaa intaas waxaa ay kusii darayaan in Ciidankii AMISOM gaar ahaan kuwa Uganda ay u dhaqa-qaaqeen dhinaca degmada Buulo-mareer ee Gobolka Shabeellaha Hoose oo ay Saldhigyo ku leeyihiin Ciidamo kale oo ka tirsan AMISOM iyo kuwa dowladda Federaalka.
Ilaa iyo hadda lama oga sababta keentay Ciidanka ay isaga baxaan deegaanka marin gubaay oo muhiim u ahaa isku gudbinta sahayda ciidamada Uganda ee ku sugan Buulo-mareer iyo Magaalada Baraawe, mana jiro wax war ah oo kasoo baxay Saraakiisha Ciidamada.
