Dagaalamayaal ka tirsan Xarakadda Alshabaab ayaa la sheegay inay Hawlgal qorsheysan ka fuliyeen magaalladda Garissa oo ku taalla W/bari ee Kenya.
Ilo-wareedyo aya sheegay inay Dagaalamayaasha burburiyeen Taawar Isgaarsiineed oo ay Shirkadda Isgaarsiinta ee Safari Telcom ku lahaayeen duleedka magaalladda Gaarisa.
Dagaalamayaasha Alshabaab waxay Taawarkaasi burburiyeen, kadib, markii ay dagaal la galeen Ciiddan Kenyan oo ku sugnaa Deegaanka uu ku yaallay Taawarka Safari Telcom ee la burburiyey.
Ciiddankii Kenya ee ilaaladda ka hayey Deegaankaasi ayaa la sheegay inay dib u gurteen, kadib, markii ay Dagalaamayaasha Alshabaab ka awood bateen.
Shirkadda Safari Telcom ayaa la sheegay inay khasaaro maaliyeed oo aad u badan kala kulmaan Hawlgalladda ay Alshabaab sannadihii la soo dhaafay ku burburiyeen Taawaradda ay Shirkadaasi ku leeyihiin Deegaanadda W/Bari Kenya.
Si kastaba ha ahaatee, ma aha markii ugu horreysay ee ay Alshabaab burburiyaan Taawaradda Isgaarsiineed ee Shirkadda Safari Telcom ku leeyihiin Deegaanadda ku yaalla Xadka ay Somalia iyo Kenya wadaagaan.