Waxay ku dhalatay kuna bar-baartay Caasimada dalka Ee Addis-Ababa,Sahle-work Zewdu waxay waxbarashada dugsiga dhexe iyo sare ku dhamaysatay Lycee G/Mariam.
Kadib markay Dugsiga sare ka baxday waxay deeq waxbarasho ka heshay dalka France Jaamacada Montpellier waxayna xiligaas jirtay 17 sano oo kaliya.
Sahle-work waa curada Afar gabdhood oo qoyskooda ka beermay, aabaheed wuxuu kamid ahaa saraakisha ugu sareysa ee ciidamada,Wuxuuna dadaal badan ku bixiyay waxbarashadeeda maadama uu ahaa mid aqoonta iyo ababinta caruurta aad u daneeya.
Kadib markay sagaal sano(9) ku sugnay dalka Faransiska,Sahle-Work waxay kusoo noqotay dalka Itoobiya,waxayna ka shaqo bilawday wasaarada Waxbarashada khabiirka waaxda Xidhiidhka dadwaynaha, kadibna waxay noqotay Agaasinka Waaxda.
Waxay Go-aansatay inay boos badalato sidaasna waxay ku biirtay Wasaarada Arimaja Dibada Ee Dalka.
Wakhtigeedii Wasaarada Arimaha dibada, Sahle-Work waxay kasoo shaqaysay boosas kala duwan.
Waxay noqotay haweenaydii labaad ee taarikhda gasha Danjirayaasha/Safiirada Dalka,kaliya waxaa ka horaysay Yodit Emiru.
Markii u horaysay waxaa Safiir loogu magacabay Dakar, #Senegal waxayna kasoo shaqeysay mudadii udhaxeysay 1989-1993 G.c,iyadoo Wakiil u ahayd #Mali,#Cape verd,#Guinea-Bissau,#Gambia iyo #Guinea.
Mudadii udhaxaysay 1993-2002 waxay danjire u ahayd #Jabuuti iyo waliba xubin IGAD matala.
Markale 2002 waxaa loo magacabay Safiirka #Faransiiska iyo Xubin matala UNESCO,halka ay ilaa 2006 Wakil ugasii ahayd #Tunusia iyo #Moroco.
2006-2009 waxay ahayd Wakiilka Itoobiya ee AU ,UNECA iyo Agaasimaha Guud Arimaha Afrika Ee Wasaarada.
Khibradeeda Labatanka Sane korka udhaafaysa ee wasaarada arimaha dibada ayaa albaabada ufurtay hayadaha heer caalami.
Ka dib adeeggii Wasaaradda, waxay ku biirtay Qaramada Midoobay 2009-kii si ay u noqoto Wakiilka Gaarka ah iyo Madaxa Xafiiska Qaramada Midoobey ee Nabadda ee Isku-dhafka Jamhuuriyadda Bartamaha Afrika (BINUCA).
Guusheedii ugu waynayd ee safarkeeda ayay sameysey bishii Maarso 2011 markii ay noqotay qofkii ugu horeeyay ee qabta jagada cusub ee loo magacaabay Agaasimaha Guud ee Xafiiska Qaramada Midoobay ee Nairobi (UNON), oo uu magacaabay Xoghayaha Guud ee Qaramada Midoobay Ban Ki-moon.
Sahle-work waa hooyo leh laba caruura islamarkaana waxay dhalatay 1950 Tirsiga Itoobiya.
DHAMAAAD
Sahle-work waxay todabaadkan soo wareejisay shaqadeedii sida ilo xog ogaala noo xaqiijiyeen taaas oo ka dhigan in ay noqon doonto madaxwaynaha cusub ee dalka.
Waxaa kaloo Cajiiba noqonaysa in Sahla-work tahay qof dhalasho ahaan Qowmiyado isku Jira kasoo jeeda.
Waxaa qoray: Cabdisalaam Sheekh Xasan
