Taliye Odawaa oo ka hadlay howlgal Ciidanka DANAB ku burburiyeen Saldhig weyn

Ciidanka kumaandooska xoogga dalka ee DANAB ayaa xalay degaanka Buqa-qable ee Gobolka Hiiraan waxay ka fuliyeen howlgal qorsheysan oo ka dhan ahaa xubno la sheegay inay ka tirsanaayeen dagaalamayaasha Al-shabaab.

Taliyaha ciidanka xoogga dalka Jeneraal Odawaa Yuusuf Raage oo la hadlay Wakaaladda Wararka Soomaaliyeed ee SONNA ayaa xaqiijiyey in howlgalkaas laga fuliyey Buqa-qable lagu bartilmaameedsaday Saldhigii ugu weynaa ee Al-Shabaab ay ku lahaayeen halkaasi

Taliye Odawaa ayaa waxaa uu sheegay in inta uu socday howlgalka lagu dilay ugu yaraan 18 dagaalame kana tirsanaa Al-shabaab oo ku sugnaa saldhigga ay beegsadeen Ciidanka DANAB, waa sida uu hadalkaÂ u dhigay Taliyaha.

Sidoo kale Wararka SONNA ayaa intaas kusii dartay in howlgalka lagu burburiyay saldhigyo, xafiisyo iyo goobo kale oo Al-shabaab ay ku lahaayeen degaanka Buqa-qable oo qiyaastii 90 KM Koofur uga beegan Magaalada Beledweyne ee Gobolka Hiiraan.

Maalmihii lasoo dhaafay ayaa waxaa Gobolka Hiiraan ka socday howlgalo ka dhan ahaa Al-shabaab, waxaana sidoo kale Gobolkaas ka dhacay dagaalo khasaaro badan geystay oo dhexmaray Ciidanka dowladda, kooxda macwiisleyda iyo Al-shabaab.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.