Labo gaari oo laga soo buuxiyey waxyaabaha qarxa ayaa waxaa lagu qarxiyey meel ku dhow Degmadda Al-baab oo dhawaan lagal wareegay Kooxda Daacish.
Qarax Koowaad ayaa waxaa uu ka dhacay Tuulladda Susiyan oo 10-KM dhanka W/galbeed kaga toosan Al-baab, waxaana ku geeriyootay 53-qof.
Qaraxa 2-aad ayaa waxa uu saacado kadib ka dhacay isla Tuullada Susiyaan, waxaana lagu dilay 8-qof.
Wakaalladda Wararka Turkiga ee ANADOLU ayaa sheegtay in ugu yaraan 41-qof oo ku dhaawacmay qaraxyadaasi loo qaaday Isbitaal ku yaalla Degmadda Kilis ee dhinaca Xuduudka Turkiga la wadaago Syria.
Dhinaca kale, Taliyaha Taliska Dhexe ee Milliteriga Maraykanka, Jeneral Josef Fotel ayaa si qarsoodi ah ku tegay Waqooyiga Syria, wuxuuna soo booqday Aagga hore ee Dagaalka ee magaallooyinka Kobaani iyo Raqa.
©Radio Dalsan
