Warbaahinta dalkaasi ayaa sheegtay inuu geeriyooday wiil 8 jir oo ka mid ah shanta carruur ee uu dhalay Madaxweynaha la-doortay ee Gambia, Aadama Barrow ee 51-jirka ah.
Wiilka yar oo la oran jirey Xabiibu ayaa la sheegay inuu geeriyooday maalintii Axadda ee la soo dhaafay, xilli loo sii waday Isbitaal ku yaalla Degmadda Manjai oo u dhow caasimadda dalkaasi ee Banjul, si looga soo daaweeyo dhaawacyo ka soo gaaray qaniinyada eey.
Madaxweynaha La-doortay ee Adama Barrow ayaana ka qeyb gelin Aaska Wiilkiisa, waxaana lagula taliyey inuu sababo dhinaca Ammaanka darteeda ugu sii nagaado dalka Senegal.
Waxaana la filayaa inuu Senigal sii joogo ilaa Khamiista soo socoto, oo ku beegan xilligii loo caleemo saari lahaa Madaxtinimadda uu ku guuleystay doorashadii dhacday bishii la soo dhaafa.
Balse, Madaxweynaha xilka ka degi lahaa ee Yaxya Jaamac ayaa ku gacan sayray Natiijadda Doorashadaasi, wuxuuna dacwad u gudbiyey Maxkamadda Sare ee Gambia, si loo joojiyo Caleemo-saarka Madaxweynaha Cusub.
©Radio Dalsan
