Wasiirka Wasaaradda Qorsheynta Xukuumadda Federaalka Soomaaliya ee xilgaarsiinta Jamaal Maxamed Xasan ayaa Shaqo ka joojin ku sameeyay Agaasimaha Guud ee Wasaaraddaas Qorsheynta Cabduqaadir Maxamed Aadan.
Agaasimaha shaqo joojinta lagu sameeyay ayaa waxaa lagu sheegay inuu caddeeystay ku takrifal awoodeed, qaadasho Go’aano uusan cidna kala tashan iyo inuu ka dhago adeegay Digniino iyo tallooyin badan oo horey loogu jeediyey.
Warqad kasoo baxday Xafiiska Wasiir Jamaal ayaa waxaa lagu sheegay inay cabashooyin badan laga soo gudbiyey Agaasimihii Wasaaradda Qorsheynta Xukuumadda Cabdulqaadir Maxamed Aadan, taasina ay keentay inuu shaqada ka joojiyo.
Wasiirka Wasaaradda Qorsheynta Xukuumadda xilgaarsiinta Jamaal Maxamed Xasan ayaa Asad Yuusuf Qanyare u magacaabay inuu noqdo Sii-hayaha xilka Agaasimaha Guud ee Wasaaradda Qorsheynta, isagoo bedelaya Cabdulqaadir Maxamed.
Agaasime Asad Yuusuf ayaa waxaa uu horey u ahaa Madaxa Xafiiska xiriirka Deeq bixiyeyaasha Wasaaradda, waxaana Wasiir Jamaal uu faray dhammaan hay’addaha dowladda inay gacan ku siiyaan Qanyare inuu guto waajibaadkiisa shaqo ee loo idmaday.
Hoos ka Akhriso Warqada kasoo baxday Xafiiska Wasiir Jamaal.
