Roob Mahiigaan oo watay Duufaan iyo Biriq ayaa waxa uu xalay ku dhuftay Bariga dalka Hindiya, iyadoo ay 27 qof ku geeriyootay.
Wasiirka Maaraynta Masiibooyinka ee Gobalka West Bengal, Javed Ahmed Khan oo la hadlay Wakaalladda Wararka AFP waxa uu sheegay inay 27 qof oo Beeraley ahayd ay Biriq ku habsatay, xilli ay ka shaqeynayeen Beerahooda.
Dhinaca kale, Ra’isul-wasaaraha Hindiya, arendara Moodi waxa uu shaaciyey in qoysaska 27-kii qof ee ay Biriqda dishay midkiiba la siin doono lacag dhan 200,000 oo Rubi oo u dhiganta 2,746 Dollar, halka kiwi ku dhaawacmay la siinayo midkiiba lacag dhan 50,000 oo Rubi oo u dhiganta 686 Dollar.
Sanadkii 2019-kii, ku-dhawaad 2,900 qof ayaa waxay Biriq ku dishay dalka Hindiya.
