DFS iyo Hay’addaha dhaqaalaha Adduunka oo ka wada hadlay Arrin muhiim ah

Wasiirka Wasaaradda Maaliyadda Xukuumadda Federaalka ee xilgaarsiinta Cabdiraxmaan Ducaale BeyleÂ ayaa maanta shir Guddoomiyay kulankii Billaha ahaa ee Guddiga maamul wanaagga Maaliyadda (FGC) oo ay ku mideysan yihiin Dowladda Federaalka Soomaaliya iyo Hey’adaha Dhaqaalaha Adduunka.

Kulanka maanta ayaa waxaa looga hadlay xaalada dib-u-habeynta Maamulka Maaliyadda Dowladda iyo meelaha kale muhiimka ah sida habka qandaraasyada Iibka Qaranka (procurement) iyo heshiisyada dowladdu ay gasho.

“Waxa aan Maanta uga wadahadalnay xaalada dib-u-habeynta Maamulka Maaliyadda Dowladda iyo meelaha kale muhiimka ah sida habka qandaraasyada iibka Qaranka (procurement) iyo heshiisyada dowladdu ay gasho” ayuu yiri Wasiir Cabdiraxmaan Beyle oo Qoraal soo saaray.

Kulanka ayaa waxaa kaloo kale ka qeyb galay Waxaa mas’uuliyiin ka socday xafiisyada Madaxweynaha muddo xileedkiisa dhammaaday Ra’iisul Wasaaraha Xukuumadda, Wasaaradda Badroolka, Bangiga Adduunka, Hey’adda IMF iyo Bangiga Dhexe ee Soomaaliya.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.