Ra’iisul Wasaare Rooble oo kormeer ku tagay dekadda Muqdisho

Ra’iisul Wasaaraha Xukuumadda Federaalka Soomaaliya  Maxamed Xuseen Rooble ayaa kormeer ku tagay dekadda Muqdisho isagoo u kuurgalay habsami u socodka howlaha dekadda.

Ra’iisul Wasaaraha oo la kulmay wasiirrada hay’adaha dhaqaalahah dalka iyo mas’uuliyiinta Amniga dekadda ayaa ka dhageystay warbixin ku saabsan horumarrada dekadda iyo wada shaqeynta hay’daha kala duwan ee ka howl gala dekadda oo ka mid ah ilaha dhaqaale ee ugu muhiimsan dalka.

Ra’iisul Wasaare Rooble ayaa kula dardaarmay hay’adahan in ay xoojiyaan wada shaqeynta dhexdooda ah, tayeynta iyo dardar gelinta adeegyada dekadda ayna dhowraan hufnaanta nidaamka dakhli ururinta.